Pag-aproba sa ‘order of business’ atol sa sesyon sa GSC Council dili na moagi sa Vice Mayor

GENSAN – Gihingusgan ni Kagawad Jeng Gacal nga dili magresulta sa pagkabalda o makaangkon ug dili maayong relasyon tali sa mga miyembro sa Gensan City Council ang pagsunod nila sa giaprobahan nga internal rules and procedure sa Konseho.

Matud ni Kag. Gacal, sa 1st regular sessison nila, giaprobahan pinaagi sa majority votes nga ang ‘order of business’ og ‘agenda’ og dili na moagi kang Vice Mayor Edmar Yumang inay nga gihatag sa majority floor leader.

Gipasiugda ni Gacal nga tumong niini nga malikayan ang adunay matigayong ‘red tape’ o malangan ang ‘order of business’ ayha pa mahisgotan sa sesyon.

Giklaro sa nasampit nga opisyal nga bisan pa niini, magpabilin sa gihapon si Vice Mayor Yumang nga presiding officer sa sesyon.