Hamas nisugot na sa peace proposal nila sa Israel

Miuyon ang Hamas sa pinakabag-o nga sugyot sa kalinaw gikan sa mga tigpataliwala sa rehiyon.

Ang proposal gikan sa Egypt ug Qatar naglakip sa pagpagawas sa mga hostage ug usa ka ceasefire deal sa Israel.

Gibase kini sa duha ka yugto nga gambalay nga gihatag kanila ni US envoy Steve Witkoff kaniadtong Hunyo.

Gipakita niini nga buhian sa Hamas ang mga katunga sa nahabilin nga 50 nga mga hostage sa Israel.

Sa nahisgutang mga hostage, 20 ang buhi pa, ug duha ka batch ang buhian atol sa 60 ka adlaw nga ceasefire hangtod nga makab-ot ang permanente nga ceasefire.

Naglaum ang mga tigpataliwala nga motubag usab ang Israel, nga kaniadto giingon nga mouyon lang kung buhian ang tanan nga mga hostage.