GENERAL SANTOS CITY – Gihingusgan ni Mayor Lorelie Pacquiao nga hingpit na gayud nga ipatuman sa syudad kung unsa ang nakalatid sa balaod sa pagpanakop sa colorum nga tricycle.
Matud pa niini nga gihimo na sa syudad ang tanan aron nga makakuha og prangkisa.
Mas gipaubsan ang balaydunon og dul-an na sa duha ka tuig ang pagdawat sa aplikante apan daghan ang wala mitagad.
Gumikan niini nakadesisyon ang lokal nga gobyerno nga sugod ugmang adlawa ipatuman na ang ang pagpanakop sa gabiyahe nga mga kolorum nga tricycle.
Nasayran nga dugay na ang maong problema nga wala nahatagan og pagtagad.
Kung expired na ang prangkisa nagpasabot nga kolorum gihapon ang tricycle.
Gituohan nga pinaagi sa pagpatuman sa nakalatid sa balaod mapaplastar na ang dugay nga gubot nga transportasyon sa syudad.
