Gitugotan pa sa Sanguniang Panglungsod ang mga trisikol driver sa lungsod nga dili una obligado magbag-o sa ilang mga unit ngadto sa standard size hangtod sa Disyembre 2026.
Kini ang gibutyag ni Atty. Jong Gonzales, labaw sa Public Safety Office (PSO) Gensan.
Sumala ni Atty. Gonzales, kini nga moratorium gihatag aron hatagan og igong panahon ang mga drayber sa pagpangandam alang sa maong regulasyon, ilabina kadtong nagplano nga mag-convert sa ilang mga tradisyonal nga trisikol ngadto sa e-trikes o electric trisikol.
Apan, iyang giklaro nga kung ang mga driver dili interesado sa pag-convert sa e-trike, kinahanglan nga mosunod na sila sa standard nga gidak-on sa trisikol pagsugod sa Enero 2027.
Ang maong regulasyon kabahin sa padayon nga paningkamot sa dakbayan nga mapaayo ang kahimtang sa trapiko ug mapauswag ang kaluwasan sa mga pasahero.
Gilauman usab nga pinaagi sa paghatag og taas nga grace period, daghang drayber ang makahunahuna og maayong desisyon kung asa sila angay nga plataporma magpabilin ba sa tradisyonal nga porma o molahutay sa e-trike nga mas eco-friendly ug sustainable.
