Subling gipatungan ni United States President Donald Trump og taas nga taripa ang mga imported products sa 60 ka mga nasod nga mu-epekto karong Agusto 7 ning kasamtangang tuig.
Ang baseline tariffs nga gipatuman ni Trump, anaa lamang sa 10% niadtong mga nasod nga dunay trade surplus ang US samtang 15% usab alang sa mga nasod nga dunay trade deficit.
Pinakataas sa maong mga taripa ang Syria nga dunay 41% ; Lao ug Myanmar nga anaa sa 40%; Switzerland, 39%; ingon man Iraq ug Serbia sa 35%.
Samtang ang Canada, gi-atubang niini ang 35% nga taripa sa mga goods nga dili cover sa United States–Mexico–Canada Agreement kon USMCA.
Gikan kini sa 25%, ug nisaka lang tungod sa alegasyon sa fentanyl trafficking.
Samtang ang Mexico, aduna usay ’90-day reprieve’ gikan sa US samtang nagpadayon pa ang trade talks.
ANIA ANG PIPILA SA MGA NASOD NGA GIPATUNGAN NI TRUMP OG DAGKONG TARIPA
