GENERAL SANTOS CITY-Gipasalida sa FIDMarseille International Film Festival ang usa ka dokumentaryo nga “Bulakna”nga kabahin sa estorya sa mga OFWs.
Si Leonor Noiva ang director sa maong dokyu-film nga taga Portugal kung asa ang estorya ang nagtutok sa mga kasinatian sa duha ka Filipina.
Usa nga batan-on nga babaye gikan sa Mindoro nga naghunahuna nga molarga pa-abroad isip domestic helper, ug usa ka kanhing mamamahayag nga karon nanginabuhi isip kasambahay sa Lisbon, Portugal.
Gipakita sa pelikula ang mga sakripisyo ug kalisod nga giatubang sa mga overseas Filipino workers (OFWs), ilabina ang kababayen-an, nga sagad mualagad sa langyaw aron masuportahan ang ilang pamilya sa Pilipinas.
Ang usa sa mga bida sa maong pelikula mao si Norma Canda nga dating reporter sa Bombo Radyo GenSan.
Si Bulakna ang gikaingon nga asawa sa Filipino hero nga si Lapu-Lapu sa Cebu nga simbolo sa kalig-on,kaisog og pagbarog gikan sa kalisod.
Ang FIDMarseille (Festival international de cinéma de Marseille) ang usa ka international film festival nga matigayon kada tuig sa
Marseille, France.
