Grade 11 student gidunggab sa usa ka estudyante usab

Naangol ang usa ka Grade 11 student human gidunggab sa usa ka Grade 12 student sa Barangay Kawit, Pagadian City.

Giila ang biktima nga si “Mark,” estudyante sa Zamboanga del Sur School of Arts and Trade.

Base sa imbestigasyon, ang insidente human ang panaglalis sa ilang group chat nga nisangpot sa bayolenteng away.

Tungod niini, giingong gipaabot sa suspek ang biktima ug gidunggab dayon kini sa kilid.

Daling gidala sa tambalanan ang biktima ug anaa na sa stable nga kahimtang.

Samtang, misibat ang suspek human sa krimen ug padayon pang gipangita sa mga otoridad.

Naghimo na usab og imbestigasyon ang kapulisan aron mahibaw-an ang ugat sa maong pagpanunggab ug mapanubag usab ang responsable.