Gibaliwala lamang ug gitawag pa ni Ex-Sen. Francis Tolentino nga usa ka “badge of honor” ang gibutang sa iyang ngalan nga pag-ban sa China ngadto kaniya.
Sumala pa sa kanhing senador, nga kabahin lamang kini sa iyang paningkamot nga pagpanalipod sa katungod, dignidad, ug soberanya sa mga Pilipino sa West Philippine Sea (WPS).
Apan gipaklaro sa kanhing senador nga nangusog sa pagdepensa sa katungod sa Pilipinas sa West Philippine Sea nga walay langyaw nga nasud ang makapapahilom sa iyang mga baruganan.
Bisan paman nga wala paminawa sa katawhan ang iyahang gipakigbisugan nga katungod sa nasud sa WPS, hinungdan nga wala na kini nakabalik sa Senado, apan iyahang gipasalig nga barugan niini ang soberanya sa Pilipinas.
Kahinumduman nga subay sa gipagawas nga pamahayag sa China, dili na makakatungtung pa si Tol, lakip na sa Hong Kong, ug Macau human siya gibutangan og sanctions sa komunista nga nasud.
Matod sa Chinese Foreign Ministry, gikan sumala pa sa mga nangaging pamahayag ni Tolentino ang maong pagbalibad sa pagbisita sa ilahang nasud nga ilahang giangkon nga nakadaot sa relasyon sa China ug Pilipinas.
Kahinumduman nga si Tolentino maoy chairman sa Senate Committee on Maritime and Admiralty Zones ug naningkamot nga maduso ang mga balaod nga magpasabot og klaro sa teritoryo sa kadagatan sa Pilipinas, isip tubag sa pagpangdaot sa China sama sa RA 12064 ug RA 12065.
