GENERAL SANTOS CITY – Mapasigarbohong gipasidunggan sa lokal nga gobyerno ang Barangay Baluan, Dadiangas West, ug San Isidro tungod sa ilang talagsaong performance sa Barangay Road Clearing Operations (BaRCO) alang sa unang kwarter sa tuig 2025.
Base sa opisyal nga assessment nga gihimo sa Composite Validation and Assessment Task Team (CVATT), kini nga mga barangay maoy nanguna isip top-performing units tungod sa ilang padayon nga paningkamot nga masiguro nga limpyo, luwas, ug daliang maagian ang mga kalsada sulod sa ilang mga komunidad.
Gibug-aton sa evaluation ang ilang pagtuman sa mga direktiba sa road clearing, ingon man ang ilang pagpaningkamot alang sa maayong pagdumala ug seguridad sa publiko.
Ang resulta niini nagpakita sa ilang dedikasyon sa paghimo og organisado, mapuy-an, ug luwas nga mga komunidad,” matud pa sa LGU.
Gipasidunggan namo ang ilang inisyatibo ug ginadasig ang tanang barangay nga ipadayon ang kultura sa responsibilidad ug partisipasyon sa katilingban.”
Ang BaRCO program usa ka nagpadayon nga inisyatibo nga nakahan-ay sa mga nasyonal nga mando aron masiguro nga walay babag ang mga pampublikong kalsada ug mapalambo ang kaluwasan sa karsada sa lebel sa barangay.
Top Performing Barangays – BaRCO Q1 2025:
👉 Barangay Baluan
👉 Barangay Dadiangas West
👉 Barangay San Isidro
