GENSAN- Gipangulohan ni Schools Division Superintendent Isagani S. Dela Cruz, CESO 5, ang paghatag og teknikal nga tabang sa Nicolas- Danie Aligado IP Integrated School (NDAIPIS) ug Changco Elementary School sa Brgy. Bawing ning dakbayan sa Gensan kaganihang buntag kauban ang mga miyembro sa Regional Field Technical Assisstance Team o RFTAT.
Pinaagi sa Outcomes-Based Education Monitoring Tool, gilantaw og husto nilang Agney Taruc ug Harold Barnuevo sa RFTAT ang implementasyon sa curriculum ug ang kahimtang sa learning environment sa duha ka tulonghaan.
Tumong sa maong pagbisita ang pagsiguro nga andam ang mga eskwelahan alang sa pag-abri sa klase ug ang padayon nga epektibo ug luwas nga pagkat-on sa mga estudyante.
Mapasalamaton usab silang Rudy Oximas, Principal I sa NDAIPIS, ug Evangeline Pontong, School Head sa Changco Elem. School, sa maong higayon nga napadayag diretso kang SDS Dela Cruz ang mga hagit nga giatubang sa ilang mga tulonghaan, lakip na ang ilang mga paningkamot aron mapalambo ang kalidad sa edukasyon sa ilang komunidad.
