GENSAN- Usa ka illegal recruiter company sa GenSan ang napasirado niadtong Pebrero ning tuiga.
Ginganlan ni Axel Jay Santander, Chief Labor and Employment Officer sa Department of Migrant Workers Region 12 nga Hikari Japanese Center.
Gibutyag niini aduna usay 11 ka reklamante ang pormal nga nagsumite sa mga reklamo human nga nabiktima sa ilegal recruitment.
Giklaro ni Santander nga dili ang ilang buhatan mismo ang nagapasirado og mga recruitment agency nga ilegal nga nag-operate kun dili kaabag lamang sila sa law enforcement kung asa sila ang maghatag ug recruitment certification.
Kung ang recruitment agency walay certification nagpasabot nga dili kini lisensyado. Dugang ni Santander nga kun mapamatud-an nga usa ka illegal recruiter, mamultahan o mabilanggo.
Pahimangno ni Santander nga sutaon una sa DMW pinaagi sa ilang website kung ang napili nga recruitment agency sa pag-abroad ang lisensyado o dili.
