Temporaryo nga suspendido sa Department of Agriculture (DA) ang pagpatuman sa maximum suggested retail price (SRP) sa baboy.
Kini tungod kay bisan og gipatuman ang MSRP niadtong Marso, nisaka gihapon ang presyo sa mga merkado ug nagreklamo gihapon ang mga konsumidor ilabina sa Metro Manila.
Si Agriculture Undersecretary for Livestock Constante Palabrica niingon nga i-postpone ang implementasyon sa DA aron makapaabot ang publiko nga adunay ipahibalo nga rebisyon.
Sa Mayo 2, ang pagtuman sa mga retailer sa kinatas-ang SRP wala pay lima ka porsyento. Kini misaka sukad niadtong Abril 1 agig pagsunod sa monitoring sa Agribusiness and Marketing Assistance Service.
Ang max SRP gipatuman niadtong Marso 10 diin ang pork shoulder anaa sa P350 matag kilo, samtang ang pork belly anaa sa P380.
Gipasalig usab niya nga igo ang suplay sa baboy bisan pa sa epekto sa pagkaylap sa African swine fever sa lokal nga suplay.
Ang ahensya nanawagan sa mga prodyuser, negosyante, ug retailer nga motabang sa pagsulbad sa taas nga presyo sa retail sa baboy.
