Giawhag sa Department of Agriculture-Western Visayas (DA-6) ang mga mangunguma nga magtuon ug mopahiangay sa bag-ong mga pamaagi sa pagpanguma samtang gipaabot ang posibleng epekto sa El Niño sa nasud.
Sumala kang Dennis Arpia, Regional Executive Director sa DA-6, anam-anam nang mabati ang epekto sa El Niño, ilabina sa pagkaanaa sa tubig nga gikinahanglan sa produksyon sa mga produktong pang-agrikultura.
Matod pa niya, importante nga mosagop ang mga mangunguma sa bag-ong teknolohiya ug pamaagi sa pag-uma aron malikayan ang dakong kapildihan ug mas dali nga makabangon gikan sa epekto sa mga kalamidad.
Gipasalig usab ni Arpia nga magpadayon ang Department of Agriculture sa paghatag og tabang ug mga programa alang sa mga mangunguma ug mananagat samtang nag-andam ang ahensya sa posibleng epekto sa gitawag nga “Super El Niño.”
