Ipatuman na sa Oktubre 26 ang dugang-swledo nga hangtod P45 kada adlaw alang sa mga minimum wage earner sa rehiyon sa CALABARZON.
Bugti kini sa hangtod P1,170 nga dugang sa binulan nga sweldo sa mga mamumuo sa maong rehiyon.
Base sa Wage Order Number IVA-23, magkalahi ang kantidad sa dugang-sweldo depende sa sektor sa trabaho ug kategoriya sa munisipalidad.
Sumala sa National Wages and Productivity Commission o NWPC, kapin sa 1.56 milyon nga minimum wage earner sa CALABARZON ang makabenepisyo sa bag-ong pag-usab sa minimum wage.
Gi-aprobahan ang dugang-sweldo pinaagi sa ‘tripartite mechanism’ nga gilangkoban sa mga representante sa mga mamumuo, mga employer ug sa gobyerno, human sa pagsusi sa kasamtangang kahimtang sa ekonomiya sa maong rehiyon.
Gipasalig usab ni Labor Secretary Francis Tolentino nga hugot nga bantayan sa DOLE Regional Office 4A ang pagpatuman sa bag-ong wage order aron maseguro nga motuman niini ang mga establisimyento.
