Padayon gihapong mibuhos ang pagtimbaya kang NBA star LeBron James human ang bag-ong record nga naangkon.
Siya lamang sa kasaysayan sa NBA nga may 50,000 points sa regular og playoff season.
Nakab-ot niini ang maong record sa daog sa Los Angeles Lakers kontra sa New Orleans Pelicans adlaw nga Miyerkules sa score nga 136-115.
Una ang dula kinahanglan lamang sa four-time NBA Most Valuable Player og usa ka puntos para makab-ot ang maong rekord tungod aduna na kini 41,837 points sa regular season og 8,162 points usab sa playoffs nga sumahon miabot na sa 49,999.
Hilabihan nga nagpasalamat ang Lakers star tungod sa natala niyang bag-ong record.
Nahuman ang dula nga aduna kini 34 points nga nagdala sa iyang total career points nga 50,033.
Una ng nalampasan ni James si Abdul-Jabbar nga adunay regular season scoring kaniadtong 2023 nga nakatala og 40,000 points.
Halos tanang mga fans og sama nga sports personalities ang nagtunol sa ilang pagtimbaya sa maong bag-ong accomplishements sa 40-anyos nga si James.
