Misaad si Department of the Interior and Local Government (DILG) Secretary Jonvic Remulla nga pasakaan og kaso ang bisan kinsang sakop sa Philippine National Police (PNP) nga makit-an nga nalambigit sa partisan politics.
Sa usa ka pamahayag, gipasiugda ni Remulla ang iyang pasalig nga ipatuman ang balaod batok sa mga PNP personnel nga nahimong kabahin sa politika.
Matud niini nga dili kini magpanuko sa pagpasaka kanila ug pagsiguro nga ang husto nga proseso sa balaod gisunod.
Gipasiugda usab ni Remulla ang paningkamot sa DILG sa mga kaso nga gisang-at batok sa mga kurakot nga opisyal nga nalambigit sa 990-kilogram nga paghakot sa droga nga nagkantidad og P6.7 bilyones niadtong 2022.
Samtang, matod ni PNP chief Gen. Rommel Francisco Marbil niingon nga ang kapulisan magpabiling apolitical, impartial, ug focus lamang sa pagmintinar sa kahapsay.
Gipasalig usab ni Marbil nga dili niya tugotan ang kapolisan nga magpabilin ang bisan kinsang partisan sa politika sulod sa ilang han-ay.
Si Remulla niingon usab nga hingpit niyang gisuportahan ang “Kontra Bigay” (anti-vote buying) nga kampanya nga gipangunahan sa Commission on Elections (Comelec), nga nag-ingon nga kini kinahanglan nga ubanan sa “Kontra Tanggap” (anti-receipt) campaign.
