Nagpasidaan si Israeli Prime Minister Benjamin Netanyahu nga ipadayon niya ang giyera sa Gaza kung dili buhian sa Hamas ang mga hostage.
Mao kini ang iyang reaksyon sa pamahayag sa Hamas nga ilang ipahunong ang pagpagawas sa mga hostage tungod sa paglapas sa Israel sa ceasefire deal.
Dugang pa niini nga kung dili mabuhian ang mga hostages hangtud sa Sabado kung asa matapos ang unang hugna sa ceasfire ang dili mag duha duha ang Israel nga ipadayon ang gubat sa Hamas.
Siya miingon nga dili sila mohunong sa pag-atake sa kuta sa Hamas hangtod nga silang tanan mahurot.
Kahinumduman nga niingon ang Hamas nga napuno na sila sa balik balik nga paglapas sa Israel sa ceasefire nga gipahamtang kaniadtong Enero 19.
Pipila sa mga paglapas nga giila sa Hamas mao ang padayon nga pag-atake sa Israel sa Gaza, dili pagtugot sa 600 ka mga trak sa pagtabang nga makasulod, dili pagtugot sa 200,000 nga mga tolda nga ipatindog, ingon man ang dili pagtubag sa kamatuoran nga kinahanglan adunay 50 ka mga pasyente nga kinahanglan dad-on sa ospital matag adlaw.
Gibabagan usab sa Israel ang mga heavy equipment nga mag-ayo unta sa naguba nga mga building sa Gaza.
