Gipahigayon ang pagdungog kagahapon Biyernes, usa ka adlaw human gisumite ni Peña ang iyang resignation isip pangulo. Apan, gi-postpone sa Kongreso ang iyang pagbiya sa puwesto aron mapadayon ang impeachment proceedings batok kaniya.
Gibanabana nga mokabat sa tulo ka milyon ka depositor ang naapektuhan human kontrolahon sa Central Bank ang Ueno Bank ug i-freeze ang mga account niini.
Giatubang ni Peña ang mga alegasyon sa conflict of interest tungod kay kaniadto aduna siyay shares sa kompanyang adunay kontrol sa maong bangko. Gilimod usab sa pangulo ang mga alegasyon batok kaniya.
Samtang, liboan ka mga residente ang nagpahigayon og protesta ug nanawagan nga panubagon ang pangulo sa pagkahugno sa bangko.
Nangayo si Peña og dugang 72 oras o tulo ka adlaw aron maandam ang iyang depensa, human madawat ang dul-an sa 300 ka panid nga dokumento sa mga alegasyon batok kaniya. Apan, gisalikway sa Senado ang iyang hangyo ug gipaabot nga kinahanglan siyang motubag sulod sa wala pay 12 oras.
Gipahayag ni Peña nga dili makiangayon ang maong proseso ug misaad nga ipadayag niya sa publiko ang iyang depensa uban sa tabang sa iyang mga abogado.
