Giduso ni Senadora Loren Legarda ang sugyot balaodnon nga hatagan og dugang benepisyo ang dugay na nga mga miyembro sa Philippine Health Insurance Corporation (PhilHealth).
Tumong niini aron nga ilhon nga matinud-anon sa pagbayad sulod sa taas nga panahon pinaagi sa PhilHealth Member Recognition Program (PMRP).
Ilawom sa maong programa nga adunay point-based reward system kung asa ang mga miyembro nga dugay na nga gabayad sa premium ang makakuha og puntos.
Daghan sa mga miyembro ang dugay na nga nag-contribute sa PhilHealth apan kung hisgutan ang balaydunon sa ospital dili paigo ang nadawat nga benepisyo.
Gikadugang pa ni Legarda nga angayang mag-innovate ang PhilHealth og dili magpabilin sa tradisyunal nga sistema.
Sa pagkakaron ang mga pribadong health insurance ang may mga loyalty rewards og flexible spending accounts nga mas makapahimulos ang mga miyembro.
Ilawom sa maong sugyot balaodnon nga ang mga miyembro nga gabayad kada bulan sulod sa lima, 10 o 20 ka tuig ang makadawat og loyalty bonus.
Daghan ang mga Pilipino ang nawad-an og kumpyansa sa PhilHealth gumikan sa kulang sa mga benepisyo.
Apan pinaagi sa reward system mas mapalig-on ang relasyon sa ahensya sa mga miyembro.
Human nga mapatuman ang PMRP, magpahigayon ang gobyerno og pagtuon kung epektibo ba o pwede nga mas mapalapdan alang sa mga indigent og sponsored members nga wala gisakprisyo ang pondo sa PhilHealth.
