Mipadayag og tubag si House Prosecutor ug San Juan City Representative Ysabel Maria Zamora batok sa mga kritiko nga iyang gihulagway nga misogynistic nga mga basher nga nagpunting sa iyang estilo atol sa impeachment court.
Kini human sa mga pambabatikos sa pipila ka personalidad sa iyang direct examination sa testigong si Police Major Joericson Sangalang niadtong Lunes, Setyembre 28.
Matud ni Zamora, makapasubo nga adunay gihapon mga Pilipino nga naghatag og misogynistic nga mga komento, ilabi na batok sa mga babayeng intelihente, hanas mosulti ug nagserbisyo isip abogado sa impeachment court.
Gipasiugda sa kongresista nga dili lamang kini bahin sa legal nga aspeto, kondili may kalabotan usab sa iyang giingong gamay nga pagtan-aw sa kapasidad sa mga kababayen-an nga anaa sa taas nga posisyon sa serbisyo publiko.
