Nagpasalamat si Mayor Lorelie Pacquiao sa tanan nga negosyante, mga opisyal sa gobyerno, lokal nga panggamhanan ug mga investor nga padayong nagsuporta sa paglambo sa General Santos City.
Sa iyang mensahe, iyang giila usab ang suporta sa mga lumulupyo ug nagpasalamat sa Ginoo alang sa mga panalangin ug oportunidad nga nadawat sa dakbayan.
Gipasiugda usab sa alkalde ang mga lakang sa pagpalig-on sa seguridad sa mga eskwelahan, mga estasyon sa kapulisan ug sa nagkalain-laing bahin sa lungsod.
Gipasalamatan usab ni Pacquiao ang bag-ong City Director nga si Police Colonel Ariel Alcala, ilabi na sa iyang papel sa pagpalig-on sa seguridad sa General Santos.
Samtang, naghatag usab siya og update sa konstruksyon sa bag-ong City Hall ug sa ubang mga proyekto nga gitumong sa pagpauswag sa serbisyo alang sa mga lumulupyo.
Matud sa alkalde, padayon ang pagtinabangay sa lokal nga panggamhanan, pribadong sektor ug komunidad aron mapadayon ang pag-uswag sa General Santos City.
