Nagtinabangay ang Philippine Drug Enforcement Agency o PDEA ug City Health Office sa pagpatuman og mga intervention program alang sa mga indibidwal nga nadakpan tungod sa ilegal nga droga.
Sumala kang Charlemaine Tang, Investigation Agent V ug Provincial Officer sa PDEA SARGEN, apil sa proseso ang mga suspek nga nakagawas pinaagi sa plea bargaining agreement.
Pagkahuman makagawas, i-endorse dayon sila sa City Health Office aron moagi og evaluation.
I-refer usab ang mga indibidwal ngadto sa doktor alang sa Drug Dependency Examination o DDE, diin ibase ang angay nga intervention o rehabilitation program nga ihatag kanila.
Matud ni Tang, magdepende sa resulta ug rekomendasyon sa doktor ang klase sa intervention nga ipatuman sa matag indibidwal.
Tumong sa maong programa nga matabangan ang mga kanhi nang nadakpan nga malikayan na ang paggamit sa ilegal nga droga ug dili na mobalik sa maong bisyo.
