Sarangani magpakatag ug 900 ka pulis sa kalag kalag

Mukabat sa 900 ka mga pulis ang ipakatag sa tibook probinsya sa Sarangani alang sa hugtanon nga seguredad sa nagkaduol nga pagsaulog sa kalag kalag.

Sumala pa ni PCol. Deanry Francisco, labaw sa kapulisan sa maong probinsya nga andam na ang iyang personahe sa paghatag sa seguridad.

Gibutyag niini ang mga nasampit nga mga pulis ang ipakatag sa mga sementeryo, terminal ug public places.

Dugang pa niini nga nagpabilin nga hapsay ug malinawon ang tibook probinsya ug wala kini nadawat nga unsa man nga report nga bahad gikan sa mga dautang elemento.

Samtang nagpahinumdom usab si Francisco nga hugtanon nga ginabawal ang pagdala ug mga hinagiban, ilimnong makahubog, speaker ug uban pa.