Nakaangkon og 25 ka samad ang kanhi One Direction singer nga si Liam Payne human mahulog gikan sa ikatulong andana sa iyang hotel sa Buenos Aires, Argentina nga gikamatay niini kaniadtong Huwebes, Oktubre 16, 2024.
Gikaingong nakaangkon usab og grabeng samad sa ulo si Liam base sa autopsy report nga gipagawas sa mga awtoridad sa Argentina.
Sa imbestigasyon nasayran usab nga nag-inusara si Liam sa kwarto dihang nahitabo ang insidente.
Dunay timailhan nga nakasinati og “episode” ang singer gumikan sa substance abuse.
Ang pipila ka mga butang sulod sa iyang lawak gikaingong nangaguba ug napalgan usab ang mga gidudahang droga ug alkohol.
Nakit-an usab ang cellphone, lighter, energy packs, ug anxiety medication sa iyang lawakj.
Sa karun, nagpadayon pa ang imbestigasyon sa kamatayon ni Liam.
Kahibaloan nga nagpagawas na ug pahayag ang mga kauban niini nga kanhi singer sa 1 Direction boy band nga hilabihan ang kaguol tungod sa nahitabo kang Liam.
Ang mga kanhi miyembro sa banda naglakip nila Harry Styles, Zayn Malik, Louis Tomlinson, ug Niall Horan.
