-- ADVERTISEMENT --
Patay ang usa ka turistang Indian samtang tulo pa ang nasamdan human nagbangga ang duha ka helicopter sa Pheriche, Solukhumbu District sa Nepal.
Giila ang namatay nga si Vasanth Kumar Balaramudu nga sakay sa helicopter sa Fishtail Air. Nahitabo ang aksidente pasado alas-8:11 sa buntag samtang naningkamot og landing ang duha ka helicopter apan nagbangga ang ilang mga rotor blade.
Lakip sa mga nasamdan ang usa ka turista gikan sa New Zealand ug ang duha ka piloto sa mga helicopter. Gidala dayon sila sa Kathmandu alang sa angay nga medikal nga pagtambal.
Padayon pang giimbestigahan sa mga awtoridad ang maong insidente aron matino ang hinungdan sa aksidente.
