Pipila ka polling precincts sa Florida, gibalhin tungod sa dili maayong panahon

Gibalhin sa laing mga lugar ang pipila ka “polling precincts” sa Florida tungod sa hulga sa dili maayong panahon.

Matud ni Brevard County Supervisor of Elections Tim Bobanic, lakip sa mga lugar nga gibalhin ang mga “polling precincts” sa Brevard, Highlands, Indian River, Martin, Okeechobee, Palm Beach ug St. Lucie Counties.

Dugang pa niini, gihimo ang maong desisyon alang sa kaluwasan sa mga election workers ug mga botante.

Kabahin usab kini sa ilang balaod nga nagtugot sa pagbalhin sa mga “polling precincts” kon adunay hulga sa dili maayong panahon.

Una nang nagdeklara og state of emergency si Florida Governor Ron DeSantis tungod sa hulga sa kusog nga bagyo.