Nakaabut na sa Jakarta, Indonesia si Pope Francis sa iyang Asia-Pacific tour aron iduso nga batukan ang climate change.
Nahimong init ang pagtagbo sa 87-anyos human mitugpa ang gisakyan nga eroplano sa Soekarno-Hatta airport.
Kauban sa naasoy nga biyahe si Cardinal Luis Antonio Tagle ang Pro-Prefect for the Section of Evangelization of Dicastery for Evangelization sa Vatican.
Sulod sa napulo ka adlaw muadto usab kini sa nasud Singapore, Timor Leste ug Papua New Guinea.
Nakatakdang pulungin sa Santo Papa ang mga opisyal sa Indonesia ug makigbahin sa inter-religiuos meeting sa Istiqla Mosque ang pinakadako nga mosque sa Southeast Asia.
Gibutyag ni Indonesian President Joko Widodo nga dugay na nilang gilauman ang Santo Papa apan nalangan lamang tungod sa milabay nga pandemic.
