Nagpasaka og impeachment ang usa ka Republican lawmaker batok kang United States Defense Secretary Pete Hegseth tungod sa iyang kampanya sa gubat batok sa Iran.
Gipresentar ni Kentucky Representative Thomas Massie kagahapon, Nobyembre 9, ang walo ka articles of impeachment nga nag-akusar kang Hegseth sa pagdeklarar og gubat nga walay pagtugot sa Kongreso ug pag-abuso sa iyang posisyon isip hepe sa Pentagon.
Lakip sa mga alegasyon ang paglapas umano ni Hegseth sa 1973 War Powers Resolution, ingon man ang pag-apil sa mga sibilyan sa mga operasyon militar sa Yemen ug Venezuela.
Gisalikway sa Pentagon ang maong mga akusasyon ug gitawag si Massie nga usa ka disgruntled congressman.
Samtang, gipahayag ni US President Donald Trump ang iyang suporta kang Hegseth ug gipasiugda ang giingong mga kalampusan sa kalihim sa mga operasyon militar batok sa Venezuela ug Iran.
Aduna usab mga Republican lawmakers nga nagpakita og posibilidad nga mosuporta sa impeachment motion nga gisugyot ni Massie, lakip na ang pagpakighiusa sa mga Democrat.
Gikatakdang gisugdan karong adlawa ang pagboto sa mga kongresista sa impeachment resolution batok kang Hegseth.
