Gireport sa mga awtoridad sa France ang pag-neutralize sa daghang mga hulga sa 2024 Paris Olympics, sa wala pa ang pag-abli sa labing dako nga torneyo sa kalibutan.
Naglakip kini sa usa ka 40-anyos nga Russian nga gidakop sa iyang kaugalingong apartment ug giingong nagplano sa pag-destabilize sa Olympic Games.
Giakusahan siya nga naghimo og intelligence work ug giingong nagplano nga magsugod og kasamok sa France.
Kung kini mapamatud-an nga tinuod, ang kaso nga iyang atubangon adunay silot nga 30 ka tuig nga pagkabilanggo.
Nakuhaan kini og mga butang nga gituohang gamiton alang sa destabilisasyon sa Olympics.
Gawas sa dinakpan nga Russian, gibantayan usab sa mga awtoridad ang hulga sa cyberattack, peke nga mga impormasyon ug uban pang gituohang hulga sa kalampusan sa Olympics.
Bisan kung ang mga awtoridad sa Pransya gikataho nga nakahimo sa pag-neutralize sa ubang mga hulga, gilauman nga adunay ubang mga hulga nga mahitabo sa umaabot nga mga adlaw.
Usa sa mga pananglitan dinhi mao ang giingong video nga migawas sa internet diin ang grupo sa Hamas nanghulga batok sa Olympics.
Human ma-validate sa mga otoridad, giingong dili kini tinuod.
Sumala sa mga awtoridad sa France ang parehas nga sayop nga impormasyon sigurado nga modaghan sa umaabot nga mga adlaw samtang nagapaduol ang Olympics.
