GENSAN- Nadawat na karong adlawa sa tulo ka mga mananaog sa Swerte sa Palengke 2026 promo sa Bombo Radyo ang ilang tagsa-tagsa ka cash prize human ipahigayon ang grand draw niadtong September 5, 2026.
Human nga nakuhaan og buhis, nakuha ni Eldy Castillon, 58 anyos, taga-Barangay Kinilis, Polomolok, South Cotabato, isip first prize winner ang P20,ooo cash gikan sa P25,000.
Gipadayag ni Castillon nga dako kaayo og ikatabang ang maong premyo sa ilang panimalay, ilabi na sa pagpalit sa ilang pang-adlaw-adlaw nga pagkaon sama sa bugas ug sud-an.
Migamit kini og Gardenia nga proof of purchase sa iyang pag-apil sa promo.
Samtang nadawat usab ni Maila Barillio, 43 anyos, taga-Barangay Fatima, General Santos City, ang second prize nga P12,000 human nga makuhaan og P3,000 nga buhis ang iyang P15,ooo nga premyo.
Ang third prize nga 10 mil pesos nadawat usab ni Jethro Cataluña, 22 anyos, taga-Koronadal City. Samtang nakuha na usab ni Albert Bautista, nga taga Quezon City ang iyang premyo nga P1 million.
