Pormal nga gianunsiyo ni US President Joe Biden nga dili na kini subling magpapili sa pagka-presidente sa umaabot nga piniliay sa Nobyembre.
Sa gipang-apud-apod niining sulat, bisan og gusto siyang modagan pag-usab, iyang gikonsidera ang hangyo sa iyang partido nga dili na lang ipadayon.
Dugang pa niya nga motutok na lang siya sa iyang pagka-presidente sa nahibilin niyang termino.
Gikatakda usab siyang mamulong sa mosunod nga mga adlaw kalabot sa nasangpit nga desisyon.
Kahinumdoman nga kapin sa 30 ka mga Democrats nga iyang kaalyado ang nanawagan kang Biden nga dili na magpadayon sa pagdagan pagka-presidente tungod kay nabalaka sila sa iyang panglawas.
Iyang gi-endorso si Vice President Kamala Harris nga maoy mohulip kaniya aron atubangon ang kaatbang ni kanhi US President Donald Trump sa eleksyon.
