Angayan nga mangandam sa kantidad nga kinahanglanon alang sa mga ticket sa eroplano kung ga plano nga mubyahe karong Agosto.
Sa gipagawas nga advisory sa Civil Aeronautics Board, sila nag pahibalo nga adunay usbaw sa fuel surcharge isip pagsunod sa internasyonal nga presyo.
Sa sunod buwan anaa sa Level 6 nga anaa ra sa Level 5 karong Hulyo.
Base sa mga tracker sa International Air Transport Association, ang presyo sa jet fuel misaka og tulo ka porsyento – $103.5 per barrel
Sa CAB matrix, ang Level 6 nagpatuman og fuel surcharge nga P185 ngadto sa P665 alang sa domestic flights ug P610.37 ngadto sa P4,538.4 alang sa foreign trips.
Nasayran nga base sa projection, mominos ang air travel demand sa Agosto kon itandi niadtong Hulyo tungod kay gitakdang mobalik sa klase ang mga tunghaan.
