Gikumpirma ni US President Joe Biden nga nahatagan siya og briefing kalabutan sa natigayon nga pagpamusil sa gihimong rallly ni kanhi US President Donald Trump sa Butler, Pennsylvania kung asa samaron ang kanhi pangulo, samtang usa ka attendee ang patay lakip ang mismong shooter.
Matud pa kang Biden, nga iyang gikalipay nga luwas og anaa sa maayong kahimtang si Trump.
Gikadugang pa niini nga nagpadayon na ang imbestigasyon sa kaso nga gipangunahan sa Secret Service.
Gihingusgan ni Biden nga dili pwede sa Amerika ang kagubot.
Panawagan niya sa tanan nga maghiusa og kondenahon ang maong panghitabo.
Gipasalig ni Biden nga iyang estoryahon si Trump.
Kahibaluan nga samtang gapamulong si Trump sa iyang rally kalit nga nakadungog og sunud-sunod nga buto sa pusil kung asa nasamdan sa dalunggan ang kanhi pangulo.
Patay ang shooter og ang usa ka attendee kung asa gilayon nga nagresponde ang secret service.
