Dili uyon si City PNP Director Col Nicomedes Olaivar nga ibalik ang Oplan Tokhang sa pagpakgang sa illegal drugs.
Kini ang pahayag sa labaw sa kapulisans a syudad luyo sa gikataho nag naghitak ang palusot sa Illegal drugs sa syudad.
Sumala ni Col. Olaivar nga nahuman na ang emplementasyon sa maong programa tungod nahuman usab ang termino sa kanhing administrasyon kung asa gisunod ang normal nga proseso sa kampanya batok illegal nga droga.
Matud sa Opisyal nga bisan paman, normal nga proseso ang ilang gisunod sa pakigbatuk sa droga nahimo kining epektibo.
Giangkon niini nga dinagko nga illegal drugs ang ilang nakumpiska sukwahi kaniadto ilawom sa oplan tokhang nga ginagmay lamang ang mga nakuha gikan sa ilang mga dinakpan.
Gani minilyon matud pa ang kantidad sa illegal drugs ang ilang nakumpiska sa mga operasyon.
Gihingusgan niini nga tokhang ang makapakgang batok droga apan pagtinabangay sa nagkadaiyang law enforcement agency, LGU ug sa publiko pinaagi sa pagpakusog sa intel gathering batok sa mga nalambigit niini.
Nasuta nga pipila ka suspek sa Illegal drugs ang napatay sa operisyon nga gipahigayon sa mga otoridad.
