GENERAL SANTOS CITY – Angayan nga muhatag ug katin-awan ang Vice Mayor sa syudad nganong wala magpakita sa state of the city address nakalabay nga adlaw.
Kini ang pahayag ni Atty Rey Cartojano isip reaction sa usa ka dakong event nga gipahigayon sa syudad.
Matud niini nga daghan ang posebilidad nganong wala magpakita ang ikaduha nga taas opisyal sa syudad. Usa sa gilantaw nga gituyo o wala giimbita.
Sa maong aktibidad gi highlight ni Mayor Lorelie Pacquiao ang mga department head ug ang Vice Mayor nga maoy labaw sa Sangunian Panglungsod nga usa sa angayan nga atoa didto.
Usa usab sa namatikdan ni Cartojano nga gawas sa Bise Mayor wala usab ang pipila ka Konsehal nga naa sa oposisyon.
Gikumpara usab niini nga sa mga nangagi nga SOCA gihimo sa Lagao gym karon sa pribado nga lugar hinuon dili makwestyon niini ang Mayor gawas na lamang kung gibayran ang lugar tungod matud pa conflict of interest nga posebli nga kuti-kutihon sa Commission on Audit.
Sa mukapin duha ka oras nga presentasyon mga general statement ang nahatag pinaagi sa report sa mga department head.
