Gipahinumduman ni Councilor Franklin “Jeng” Gacal Jr. ang mga incumbent officials ug mga kandidato sa Barangay ug Sangguniang Kabataan Elections o BSKE nga magpabiling andam ug ipadayon ang pagpangampanya samtang wala pa’y pinal nga desisyon kon madayon ba o mapostpone ang piniliay.
Sumala ni Gacal, kinahanglan nga dili magkompyansa ang mga kandidato tungod kay wala pa mahibaloi ang kataposang desisyon kabahin sa petsa sa BSKE.
Gipahayag usab niya nga nagpaabot pa ang tanan sa sunod nga aksyon sa Supreme Court, diin gimandoan ang mga respondents nga mosumite sa ilang pormal nga tubag o answer sa mga petisyon nga may kalabotan sa postponement sa piniliay.
Tungod niini, wala pa’y kasigurohan kon ipatuman ba ang pagbalhin sa petsa sa BSKE o ipadayon kini sa orihinal nga iskedyul.
Busa, giawhag ni Gacal ang mga kandidato ug mga opisyal nga mag-andam alang sa duha ka posibilidad samtang naghulat sa pinal nga desisyon sa korte.
