-- ADVERTISEMENT --
Nagtapos sa ika-13 nga pwesto ang Alas Pilipinas Men’s Volleyball Team sa Asian Games.
Nahitabo kini human nakadesisyon ang Kyrgyzstan nga dili na modula sa ‘classification game’ batok sa Pilipinas.
Tungod niini, gideklarar nga ‘forfeit’ ang maong dula ug gihatag sa Pilipinas ang kadaugan pinaagi sa score nga 3-0.
Una nang gibutyag sa team captain nga si Bryan Bagunas nga adunay pipila ka mga magdudula sa Kyrgyzstan nga wala makadawat sa ilang ‘allowance’ sukad pa niadtong Hulyo, hinungdan nga ilang kaugalingong kwarta ang gigamit alang sa ilang mga panginahanglan.
