Gibutyag sa Malacañang nga dili angay balewalaon ang matod pa relasyon sa kumpanyang konektado kay Atty. Manases “Mans” Carpio sa Chinese goverment kung adunay paigo nga ebidensiyang misuporta niini.
Kini ang pahayag ni Palace Press Officer at communications undersecretary Claire Castro human gibutyag ni kanhi Senador Antonio “Sonny” Trillanes IV ang matod pa kapin P319 Million nga financial inflows gikan sa Chinese government og China-based corporations paingon sa cale88 foods corporation.
Matod kang Castro, mahimong ikonsidera nga pagluib sa nasod ang maong relasyon kung mapamatud-an, ilabina kung nalambigit ang mga public official.
Hinuon, giklaro ni Castro nga wala pay ginahimong paghukom ang administrasyon sa karon.
Sa iyang pamahayag, angay masayran sa publiko ang mga alegasyon kung adunay paigo nga ebidensiya nga magpalig-on niini.
Nanawagan usab si Castro nga dili pasagdan nga adunay mga opisyal nga makaguba sa interes og soberanya sa nasod.
