GENERAL SANTOS CITY – Human sa advisory ginkan sa consumer protection division sa Department of Trade and Industry gilayon nga nagsusi ang DTI sa mga tindahan nga gabaligya ug school supplies.
Matud ni DTI Division Chief Eddie de Asis nga adunay namonitor nga psagsaka sa presyo sa school supplies. Matud niini nga ang hinungdan epekto sa pagsaka sa presyo sa petrolyo tungod ang mga materyales nga sagul sa paghimo sa mga school supplies ang gipalit gikan sa gawas sa nasud.
Gikadugang pa ni de Asis nga bisan sa maong sitwasyon wala magpabaya ang ilang buhatan aron hangyuon ang mga manufacturer nga dili palabihan ang gipatuman nga price increase sa mga palaliton luyo nga halos tanan na misaka ang presyo.
Kamatuoran niini may price guide nga gipagawas ang ahensiya kaniadtong Hulyo 25 nga basihan sa presyo nga mahimong giya sa mga mamalitay .
Nasuta nga matag ting abli sa klase musaka gayud ang presyo sa palaliton lakip na ang mga galamiton sa mga magtutungha.
