GENERAL SANTOS CITY – Gihangyo ni Kagawad Dominador Lagare, chairperson sa committee on transportation sa konseho ang publiko nga mutambong sa ipahigayon nga hearing sa iyang komitiba kalabutan sa pletihan sa tricycle.
Ang committee hearing gikatakda sa Pebrero 8 og 13, 2023 sa Sangguniang Panlungsod.
May kalabutan sa pagpaubos sa pamasahe sa tricycle gikan sa P18 himoon nga P12.
Gikadugang pa nasampit nga opisyal nga pagkahuman sa hearing isalang alang sa second reading sa SP dayon third and final reading.
Ang minimum nga pamasahe gipaubsan tungod daghan ang nagreklamo nga mahal kaayo ang P18 nga minimum nga pamasahe sa tricycle sa syudad.
Kahibaluan nga daghan usab ang nagreklamo nga may mga tricycle drivers ang wala gasunod sa gipagawas nga taripa sa syudad.
