GENERAL SANTOS CITY – Gipaklaro ni Geraldine Zamora,licensing officer IV sa Business Permit and Licensing Division (BPLD) nga wala silay nadawat nga resolosyon gikan sa Sangguniang Panlungsod nga may lugway ang renewal sa business permit.
Matud pa niini nga kung walay madawat nga resolosyon hangtud karong adlawa buot ipasabot nga mahuman na ang renewal period.
Sa iyang pamahayag nga kung walay extension nagpasabot nga pagtongtong sa alas 12:00 sa tungang gabii ipatuman ang interes og surcharge og depende sa gidugayan sa pagrenew sa business permit ang balaydunon.
Tungod niini mas mudako na ang balaydunon sa wala nagparenew.
Una niini gibutyag sa nasampit nga opisyal nga naghangyo ang mga negosyante og lugway sa renewal sa business permit .
Kahibaluan nga sa labing ulahing report nga anaa sa 7,249 ka mga business permit ang na-isyu na sa dakbayan.
