Kapistahan ni Santo Niño de Bula hugot na nga gipangandaman

GENERAL SANTOS CITY -Giawhag ni Dexter Forro, Administrator sa Barangay Bula ang mga mamista sa parokya sa Santo Niño de Bula sa Enero 15 2023 nga sundon gihapon ang minimum health stardard sama sa pagsul-ob og face mask og uban pa.

Bisan anaa sa level 1 ang COVID-19 Alert status sa karon kung asa mas luag ang mga patakaran.

Angayang dili gihapon magkumpiyansa tungod may mga natala gihapon nga mga kaso sa covid 19.

Sa inisyal nga mga naistoryahan, ibalik na ang halos tanang aktibidad sama sa fluvial parade, isda-isdaan, tradisyonal nga sinulog dance, 10 ka misa og uban pa.

Gilauman ang pagdagsa sa gatusan ka libo ka tawo sa fiesta ilabina nga adlawng Domingo.