GENERAL SANTOS CITY | Gipangayo na sa nagkalain laing transport cluster sa syudad nga ipatuman na ang lokal transport route plan nga gimugna alang sa dakbayan. Ang hisgutanan ang gipanday pinaagi sa ordinansa nga gipangunahan ni Kagawad Domindor Lagare Jr, ang kamugnaan sa 26 ka rota apan ang naaprubahan katorse lamang ka rota.
Gusto sa mga nahisgutan nga ibalik ang orihinal mga ihap sa rota sa tumong nga makabalik ug biyahe ang mga natanggong nga mga rota . Lakip sa gipangayu sa transport sector ang hingpit nga pagpatuman sa ordinansa nga mupahapsay sa biyahe sa tulo ka mga cluster aron mahimong ekslusibu na ang pagpamasada ang mga driver operator nga taga General Santos ug dili na kasudlan ug dili taga dakbayan.
Gidayeg pa sa grupo sa mga driver operator ang nahisgutang konsehal tungod naningkamot nga mapahapsay ang nagkaguliyang nga sektor nga gikalambigitan sa traysikel, pedikab kon mini traysikel ug public utility jeepneys.
