General Santos City | Mapasalamaton ang lima nga taga GenSan human nga gipasidunggan sa Sangguniang Panlungsod gumikan sa mga kalampusan nga ilang naangkon.
Atol sa natigayon nga session kagahapong adlawa, usa-usa nga gipaila-ila ang tulo nga graduates sa PMA Class of 2022 nga silang Lt. Marielle Kiana Fuentes nga taga Brgy. Lagao, Lt. John Vincent Meneses nga taga Tambler og si Lt. Lind Howelle Peroy. Ang mga nasampit pulos graduate sa ‘Bagsik Diwa Class of 2022’. Kahibaluan nga libre ang patungha sa tulo sa PMA hinungdan nga mipasalig nga muserbisyo alang sa nasud.
Gawas sa tulo ka PMA graduates, gipasidunggan usab si Lt. Ardyin Provido Hijastro nga graduate sa Philippine National Police Academy Class of 2022 og si Engr. Abdul Ghafar Tagolanao nga graduate sa MSU-Gensan og Tenth placer sa Electronics Engineer Licensure Examination.
