Electoral board member training nahuman na

Nahuman na ang training sa mga magtutudlo nga mahimong miyembro sa electoral board o magserbisyo sa Mayo 9, 2022 nga elections.

Matud pa ni Dr. Rommel Flores, GenSan Deped Supt. nga gipailawom sa training ang mga nasampit aron may igong kahibalo sa pag-operate sa vote counting machines o laing mga proseso nga himoon sa election.

Mahinungdanon usab kini aron nga mahimong hapsay og malinawon ang umaabot nga piniliay.

Una niini gibutyag sa Comelec nga may assessment nga gipahigayon sa mga magtutudlo nga gipailawom sa training aron masukod ang nakat-unan.

Ang mga magtutudlo lang ang pwede nga makaabli sa VCMs sa adlaw mismo sa election kung asa anaa ang presensya sa mga representante sa mga nagkadaiyang mga partido.