Nagsugod na ug balik sa eskwelahan ang mga estudyante sa dakbayan nga ilawom sa limited face to face classes.
Matud pa ni Dr. Rommel Flores, GenSan Dept. Supt nga kini human nga gipailawom na sa alert level 2 ang dakbayan kung asa epektibo ang kamanduan sugod kagahapong adlawa.
Sa iyang pamahayag nga hugot nga gipatuman ang tanang mga patakaran aron nga malikayan ang pagtinakdanay sa virus.
Samtang sa pamahayag ni Dr. Flores nga adunay laing unom ka pampublikong tulunghaan og duha ka private schools sa syudad ang gilauman nga makasugod sa limited face to face classes oras nga maaprobahan sa Regional office sa Deped.
Sa pagkakaron ang regional office na ang mag-aproba sa mga tulunghaan nga pwede makaapil sa limited face to face classes.
Kahinumduman nga temporaryo nga gisuspenso ang pagpahigayon sa limited face to face classes sa miaging bulan human nga gipailawom ang dakbayan sa alert level 3 gumikan sa pagtaas sa kaso sa COVID 19.
