GENERAL SANTOS CITY – Gihingusgan ni Dr. Fidel Peñamante, presidente sa GenSan Medical Society, nga dili kaayo daghan ang nakasulod sa ospital gumikan sa COVID 19 itandi sa dihang nadiskubrehan ang delta variant.
Matud pa ni Dr. Peñamante nga kini gumikan daghan na ang protektado sa dakbayan human nga nabakunahan.
Pagpamatuod kini nga maprotektahan batok sa COVID 19 ang nagpadayon nga vaccination program sa gobyerno.
Sa pamahayag pa sa maong doktor nga ang ang mga namatay ning higayona ang wala nabakunahan batok sa COVID 19.
Kahibaluan nga gaubos na ang kaso sa COVID 19 sa dakbayan ning semanaha.
Apila sa mga doktor sa publiko nga sundon ang mga patakaran aron nga mapugngan ang pagkatap sa virus.
Sa iyang pamahayag nga pwede nga mapugngan ang kamatayon sa Covid 19 kung mabakunahan ang usa ka tawo.
