Hugot ang training ni GenSan boxer Reymart Gaballo alang sa gikatakda nga engkwentro niini batok kang pinoy boxer Nonito “The Filipino Flash” Donaire.
Sa exclusive interview sa Bombo Radyo GenSan kang JC Mananquil sa Sanman Promotions nga didto karon sa Miami, Florida si Gaballo ug gabansay pinaagi ni Cuban trainer Osmiri “Moro” Fernandez.
Sa pamahayag ni Mananquil nga giplastar na ang tanan aron nga makaangkon ang kadaugan batok kang Donaire.
Ang advantage ni Gaballo kang Donaire ang pagkabatan-on niini nga nagpangidaron og 25 anyos batok sa The Filipino Flash nga 38 anyos.
Sa pagkakaron anaa sa 80% ang kondisyon ni Gaballo kung asa walay problema sa iyang timbang.
Si Gaballo may 24 ka daog walay pildi og 20 ang knockouts samtang si Donaire may 41 ka daog, unom ka pildi og 27 ka knockouts.
Ang engkwentro sa duruha matigayon karong December 11, 2021 sa Dignity Health Sports Park , Carson sa California sa Amerika.
