Nagpahimangno ang kapulisan sa mga motorista nga mag-amping samtang gamaneho og sakyanan.
Kagahapong adlawa patay ang usa ka driver og upat ang angol sa disgrasya nga nahitabo sa National Highway Sitio Luot Brgy. Poblacion Malapatan Sarangani Province.
Gibutyag ni P/Maj. Benjie Ancheta, chief of police sa Malapatan Municipal Police Station, nagbanggaanay ang single nga motorsiklo og ang tricycle.
Ang motorsgiklo ang gimanehuan ni Roy Dalondong Aglobo, 25 anyos nga taga Kulasi, Labangal ning syudad.
Samtang sa tricycle ang gimanehuan ni Anthony Aro Abrasado 37 anyos, taga Purok Pagasa, Sto. Niño, Koronadal City.
Sa imbestigasyon nga ang motorsiklo padulong sa Gensan og ang tricycle paulong sa Glan, apan pag abot sa Sitio Luot Brgy. Poblacion Malapatan, nikawat ug lane ang single motor hinungdan nga natigayon ang disgrasya.
Sa pamahayag ni Ancheta nga naipit ang tiil ni Abrasado hinungdan nga wala makahawa hangtod nga nidilaab ang kalayo og naapil kini og kasunog sa traysikel.
Ang samaron ang padayon nga giatiman sa ospital nga nakaangkon ug mga samad og bun-og human nga nangalagpot tungod sa pagbanggaanay.
