Anaa sa usa ka lokal nga punerarya ang patayng lawas sa tulo ka nga tawo nga namatay human nga nakuryentihan samtang gatrabaho sa usa ka hotel sa syudad.
Giila ni P/Major Yol Hilado, chief of police sa Lagao Police Station ang mga namatay nga silang silang Gabby Valder, hamtong , minyo residente sa Koronadal City, Jade Bermejo, single, residente sa Ilo- Ilo City og Victor Bagaot, single, pulos subcontractor sa JCONN, residente sa IloIlo City.
Samtang ang mga samaron nga silang Mike Sol Saniel og Jessie Salatan,, single residente sa Pagadian City ang anaa sa stable ang kondisyon sa usa ka ospital sa dakbayan.
Sa pamahayag ni Hilado nga samtang dayungan ang lamba ang nakatindog nga puthaw ang nasangit sa linya sa koryente nga maoy hinungdan nga nakoryentihan ang mga nasampit.
Matud pa ni Chester Alipio, TERP Asia project manager nga andam nilang hatagan og pinansyal nga tabang ang pamilya sa mga biktima.
Nahitabo ang insidente samtang gaulan kung asa preparasyon alang sa matigayon nga soft openning karong adlawa.
